財爺你搞嘜!

已有54人閱讀2012-02-01 20:47標籤:吹水

財政預算無驚喜,仲要一直壓樓價,搞到地產無運行,地產唔得,銀行都無運行,銀行都唔得,其他仲有咩得?

你份工咁易做既話,使鬼你做咩?唔好成日張D自家問題搭落人地度先得架!歐債,美國,中國,全球因素!你搞好你自己香港經濟先喇,如果你係強,就算國際點衰,你都無咁傷先喇!壓樓價就可以解決住宿問題咩?咪到時候益晒D大陸炒家黎襯低吸納,地產市好返,俾人賺走晒D港幣又咪係你地搞既。你咁把砲咪出一個一人一物業法例囉,一人只可擁有一個物業,多一個沒收,睇下有無人夠膽炒同做人頭,白癡!

問題一大堆,個個黎香港生仔,生完就話香港人,咩都俾人分,又唔見你分多D俾我XD,你真係有心做野既話,起碼都立多兩條例保障港人喇,人地啊爺有錢,你就托晒大腳,淨係識話自己經濟自由,咁咪出晒事囉!有幾多內地人係香港炒樓賺走左幾多港人血汗錢你都未知喇!可能你知,仲有心踢多一腳:「樓價我壓死你,啊爺你快D搵人頭買喇!有錢賺架!」

無聊寫下野,不喜勿插,喜歡就留言傾兩句^^
 

相關股票

Bookmark and Share

剛表態過的朋友

    評論


    發表評論