調整接近尾升, 只差東風

已有299人閱讀2013-03-27 09:32標籤:大市分析

 呢兩日港匯轉返強, 似有資金流入, 另外美匯似係高位遇阻力, 歐洲塞浦路斯問題現已明朗, 呢幾點使我相信相信大市調整接近尾升, 我估在期指結算後應該會有方向。

但炒股莫估市, 股市估市, 畀你估到你就係神, 我一定會日日前來參拜, 就唔會咁多人係呢個金魚缸到蝕底。我呢D凡人, 只能跟據現在走勢來睇來個市, 現在個市仲係處於調整橫行趨勢, 未見有上升趨勢, 穩健投資者可觀察多兩日, 等待A股呢陣東風到來, 只要一確定A股調整完成, 以及恆指升上20天線企穩, 就可以確認港股調整完成, 即刻可以入市, 首選內險股, 388。

另外進取者可以現在入市, 因為我估見底機會幾大, 不過因為係估, 所以唔可以一注獨贏, 現在只適宜分注少量資金入市, 倉位5成樓下都可以適當入市, 我作為穩健投資者, 會在訊號確認後再入市。

Bookmark and Share

剛表態過的朋友

    評論


    發表評論